快板书·相亲遇疫情

词：余乃立
演唱余乃立


歌词大意：

竹板一打兴嗲嗲，
涯係茶阳二剪嫲。
今年五十四，
家住在南华。
虽然唔识字，
还算喙会呱。
别人话涯吃软饭，
树上雕子拐呀下。
(白):阿姆哀，佢兜讲个时真真係还对哟，一滴也冇差。

人家说瓜甜，
涯会来卖瓜。
总爱有钱赚，
那管你我他。
凭涯一张嘴，
唔愁冇钱花。
钱爱赚，银爱拿，
赚正莫赚邪。
圆个涯会讲到扁，
扁个涯会讲到鸡公寻鸭嫲。
世上事情知一半，
天上月光涯会讲到跌落地泥下。
今年年初四，
约好黄二妈。
同佢女儿来介绍，
介绍一只靓仔到佢家。
畀佢做女婿，
捡点钱来花。
你话男方讲究唔讲究，
买好结鸡还有鸡卵嫲。
鸭公两三只，
一身肥嗲嗲。
猪肉虽然贵，
割哩一大车。
买有茅台酒，
还有软中华。
约好初四去相亲，
好死唔死遇到瘟疫搞衰大齐家。
野味吃唔得
瘟毒害人家。
贪吃野味误大事，
还会害到别人家。
你话病毒厉害唔厉害，
瘟疫传播大中华。
人心惶惶冇宁日，
还让人家镖上又镖下。
出门戴口罩，
路上爱检查。
若系发烧捉呀去，
吓去唔死也会尿车车。
如果去医院，
隔离冇回家。
出入受监控，
还得爱检查，
医生佢讲脉个就脉个，
还畀护士牵上又牵下。
此病鬼都畏，
阎王也怕它。
万一相亲受传染，
自家老命也会教给它。
真真好可恶，
千其唔好惹。
黄妈喊涯盲好去，
涯也唔敢来离家。
涯只好，登门来拜访，
将把事情讲春车。
免得豹古疑神又疑鬼，
话涯无事生非来骗他。
马上就行动，
赶快去男家。
盲知走呀到，
櫈呀冇坐下。
遇到豹古二百五，
发起神经唔春车。
尽话冇相干，
病毒冇咁邪。
出门戴口罩，
直接到女家。
大埔丰顺路唔远，
个把钟头就到黄二佢屋夸。
(白):哎哟喂阿豹哥，唔得，唔得，涯看你比猴子还急，兴过你妈嫁老公，非常时期，难道你唔愁害死人家。
你看佢，还话唔使怕，
口罩涯就买哩两三抓。
由你样般戴，
尽你样般花。
保证平安又无事，
安安全全到佢家。
二剪听呀到，
来火心肝下。
你想死来涯盲想，
你莫咁蠢害人家。
看你个觉悟，
比涯还过差。
有命唔愁冇媳妇，
何愁妹子唔会到你家。
你莫来添乱，
老实蹲在家。
勤冼手，多饮茶，
莫去外出走家家。
等到疫情过呀碧，
再来相亲到女家。
二剪一席话，
说得豹古兴车车。
豹古忙转身，
来话二剪嫲。
二剪确实媒婆喙，
讲得涯今春春又车车。
下日去丰顺，
涯会红包给你包大些。
二剪尽话唔使咁讲究，
三头二千随你豹哥拿。
感谢豹哥咁慷慨，
看来涯个媒人红包赚定啦来赚定啦！ (剧终)

2020年2月1日